Yn gryno
Bydd y cwrs hwn yn galluogi i chi sicrhau Trwydded Categori D PCV sy'n cynnwys cerbyd sy'n cludo teithiwr gyda mwy na 16 o seddau i deithwyr.
Bydd yr hawl PCV D hefyd yn galluogi i chi yrru bysys, bysys deulawr a bysiau hyblyg (bendi buses). Nid oes angen i chi fod wedi meddu ar eich trwydded categori C am gyfnod penodol o amser.
Mae'r cwrs hwn ar gael fel rhan o Gyfrif Dysgu Personol (PLA). Menter gan Lywodraeth Cymru yw'r PLA sy'n cynnig cyfle i bobl gael mynediad at gyrsiau am ddim a rhan-amser gyda ffordd hyblyg a chyfleus o ddysgu sy'n cyd-fynd a'u ffordd o fyw bresennol (yn amodol ar gymhwysedd).
… unrhyw un 19+ oed, sy’n byw yng Nghymru, sydd mewn cyflogaeth, ac sy’n ennill yn llai na £35,796 y flwyddyn
... unrhyw un sydd eisoes yn meddu ar drwydded yrru car. Nid oes angen i chi fod wedi ei meddu am gyfnod penodol o amser.
... gyrwyr cymwys sy’n awyddus i wella eu sgiliau a dilyn gyrfa yn y diwydiant trafnidiaeth fel gyrwyr cerbyd nwyddau mawr.
...unigolion sydd am ymuno gyda'r gwasanaethau brys a gyrru ambiwlans.
Cwblheir yr hyfforddiant ymarferol i yrwyr fel arfer ar sail 1 i 1.
Hyd y Cwrs: 2 ddiwrnod llawn, gan ddychwelyd ar gyfer eich prawf ymarferol ar y trydydd diwrnod, sef y diwrnod olaf
Ar y cwrs hwn, byddwch yn:
- Cael eich cyflwyno i'r cerbyd
- Codi hyder yn gyrru cerbydau llawer o deithwyr, mawr
- Cywiro eich dull o yrru er mwyn paratoi ar gyfer eich prawf gyrru
- Cwblhau'r hyfforddiant a'r asesiad ymarfer gyrru am yn ôl
- Ymarfer y cwestiynau 'dangoswch, dywedwch' y byddwch yn cael eu gofyn ar ddechrau'r prawf.
Mae dwy ran i’r prawf gyrru ymarferol:
- Modiwl 3A: Ymarfer symud cerbyd am yn ôl mewn 'siâp S' i fae llwytho. Yn ystod eich cwrs hyfforddi gyrrwr, byddwch yn ymarfer yr ymarfer hwn yn ein hardal gyrru am yn ôl preifat, a byddwn yn eich profi pan fyddwch yn teimlo'n hyderus.
- Modiwl 3B: gyrru ar y ffordd am 60 munud. Bydd arholwr gyrru DVSA yn cynnal hwn ar ddiwedd eich cwrs hyfforddiant ymarferol. Byddwch yn cymryd eich prawf ar yr un ffyrdd ag y buoch yn hyfforddi arnynt.
Rydym yn defnyddio cerbydau awtomatig llawn at bwrpas hyfforddiant. Drwy lwyddo mewn cerbyd awtomatig, byddwch yn derbyn hawl gyrru PCV arferol. Rydym yn dethol ein cerbydau hyfforddi yn ofalus er mwyn sicrhau bod eich hyfforddiant gyrrwr mor hawdd â phosib.
Cyn hyfforddiant ymarferol, bydd rhaid i chi:
- gwblhau asesiad meddygol er mwyn ymgeisio am eich trwydded dros dro
- pasio'r profion theori PCV perthnasol
Ni chaiff cyllid ei gymeradwy’n llawn nes bod yr elfennau hyn wedi’u cwblhau. Gall y rhain gael eu trefnu ar eich rhan ond mae’n rhaid iddynt gael eu hunan-ariannu – ni thelir y gost dan y Cyfrif Dysgu Personol. Bydd gennych chi 3 mis i gwblhau’r elfennau.
Mae rhaglen PLA yn bwriadu darparu cyngor a chanllawiau gyrfa o safon i gyfranogwyr cyn, yn ystod ac ar ôl eu dysgu.
Cyn i chi gofrestru ar eich cwrs a ariennir gan PLA, bydd cynllun dysgu unigol yn cael ei drafod gyda chi i sicrhau bod y dysgu cywir wedi'i ystyried.
Bydd hyn yn cynnwys trafodaeth gyffredinol ar y pynciau canlynol:
- addysg ffurfiol neu gymwysterau mewn meysydd cysylltiedig
- profiad blaenorol o fewn y diwydiant neu faes
- dyheadau gyrfa
- ymroddiad amser angenrheidiol
Bydd hyn hefyd yn cynnwys trafodaeth benodol ar y meysydd isod ar gyfer y cwrs hwn:
- prawf meddygol/dros dro neu brawf theori a gwblhawyd cyn hyn
- dyheadau gyrfa i ddod yn yrrwr ac ar gyfer ennill trwydded
- rheswm dros ddewis categori trwyddedu
- profiad blaenorol o yrru cerbydau mwy neu beiriannau
- anghenion cefnogi ychwanegol ar gyfer profion meddygol neu theori
- mynediad at liniadur/cyfrifiadur/llechen/ffôn clyfar er mwyn cwblhau adolygu theori ac ymrwymiad amser ar gyfer hyn
