{"id":39742,"date":"2026-09-14T10:25:28","date_gmt":"2026-09-14T09:25:28","guid":{"rendered":"https:\/\/www.coleggwent.ac.uk\/?post_type=news&p=39742"},"modified":"2026-09-14T11:28:47","modified_gmt":"2026-09-14T10:28:47","slug":"meet-our-freshers","status":"publish","type":"news","link":"https:\/\/www.coleggwent.ac.uk\/cy\/news\/meet-our-freshers","title":{"rendered":"Dyma ein Glasfyfyrwyr: Dechreuad Newydd ac Uchelgeisiau Mawr"},"content":{"rendered":"
\n
\n
\n
\n

Dyma ein Glasfyfyrwyr: Dechreuad Newydd ac Uchelgeisiau Mawr\nMae blwyddyn academaidd newydd yn adeg ar gyfer dechreuad newydd, cyfleoedd newydd, ac uchelgeisiau cyffrous. Ar draws Coleg Gwent, mae myfyrwyr newydd a myfyrwyr sy\u2019n dychwelyd yn ymgartrefu ym mywyd yn y coleg, yn magu hyder, yn creu cysylltiadau, ac yn cymryd camau pwysig tuag at eu dyfodol.<\/span>\u00a0<\/span><\/p>\n

Mae gan bob myfyriwr ei stori ei hun. Mae rhai yn dechrau yn y coleg am y tro cyntaf<\/a>, wrth i eraill ddychwelyd i addysg yn hwyrach yn eu bywydau i ddilyn uchelgais hiroes. Beth bynnag eu cefndir neu eu man cychwyn, mae ein myfyrwyr yn dangos nid yw hi byth yn rhy hwyr i ddysgu<\/a>, i dyfu, ac i ddilyn eich breuddwydion.<\/p>\n

I Zara Ruiz, sy\u2019n astudio ar gwrs Trin Gwallt, Harddwch a Therap\u00efau Cyflenwol<\/a>, mae\u2019n gyfle i droi angerdd am golur yn yrfa yn y dyfodol. Gan ddychwelyd i addysg fel dysgwr h\u0177n, mae Zara, wedi cael y profiad yn llawer mwy croesawgar nag yr oedd wedi\u2019i ddisgwyl ar y dechrau.<\/p>\n

\u201cDechreuais brynu fy ngholur fy hun pan oeddwn i\u2019n 13 oed ac roeddwn i\u2019n ymarfer ar fy hun ac ar aelodau o\u2019m teulu. Mae\u2019r cwrs hwn yn rhoi cyfle i mi ddatblygu fy sgiliau a, gobeithio, droi fy angerdd yn yrfa. Gall dychwelyd i addysg deimlo\u2019n frawychus ond rwyf wedi teimlo\u2019n dawel iawn fy meddwl a fy mod wedi cael fy nerbyn a byddwn yn annog oedolion eraill i roi cynnig arni.\u201d<\/p><\/blockquote>\n

\"Students<\/p>\n

I Caydan Gore, mae astudio ar gwrs Sgiliau Niferus<\/a> yn gam cyntaf tuag at ddod yn blymiwr ac, yn y pendraw, redeg ei gwmni plymio ei hun. Er iddo fod yn nerfus cyn dechrau ar y cwrs, teimlodd Caydan ei fod wedi ymgartrefu\u2019n gyflym.<\/p>\n

\u201cRoeddwn i\u2019n nerfus oherwydd nad oeddwn i\u2019n gwybod ble i fynd neu beth i\u2019w ddisgwyl ond roedd y tiwtoriaid wedi gwneud popeth yn syml ac yn hawdd ei ddeall. Maen nhw\u2019n agos-atoch sy\u2019n gwneud i chi deimlo bod croeso i chi.\u201d<\/p><\/blockquote>\n

\"Student<\/p>\n

I Ashleigh Savill, mae dychwelyd i addysg yn ymwneud \u00e2 rhoi hi a\u2019i dyfodol yn gyntaf. Mae hi\u2019n astudio ar gwrs Mynediad i Addysg Uwch mewn Gofal Iechyd<\/a> ac mae\u2019n bwriadu symud ymlaen i\u2019r brifysgol<\/a> i astudio ar gwrs Therapi Iaith a Lleferydd.<\/p>\n

Ar \u00f4l cael ei phlentyn yn 19 oed, mae Ashleigh yn teimlo mai nawr yw\u2019r amser cywir i ddilyn yr yrfa y mae hi bob amser wedi eisiau ei chael.<\/span>\u00a0<\/span><\/p>\n

\u201cChes i ddim y cyfle i ddilyn llwybr gyrfa pan oeddwn i\u2019n ifancach. Nawr bod fy mab yn oedolyn, mae\u2019n teimlo fel yr amser cywir i roi blaenoriaeth i\u2019m hun a chyrraedd fy mhotensial llawn. Nid yw hi byth yn rhy hwyr i ennill eich gradd a gwneud yr hyn rydych chi\u2019n dymuno ei gwneud.\u201d<\/p><\/blockquote>\n

\"Student<\/p>\n

Mae Cymorth CG yn wasanaeth ymroddedig sydd wedi\u2019i ddylunio i sicrhau fod gan fyfyrwyr fynediad at yr arweiniad a\u2019r adnoddau cywir drwy gydol eu hamser yn Coleg Gwent, gan eu helpu i oresgyn heriau yn yr ystafell ddosbarth a\u2019r tu allan iddi.<\/span>\u00a0<\/span><\/p>\n

Dywedodd Meri Thomas, Rheolwr Cynorthwyol<\/a>, \u201cMae dechrau yn y coleg yn gyfnod cyffrous, ond mae'n hollol arferol cael cwestiynau neu bryderon ar hyd y ffordd. Mae ein T\u00eem Cymorth CG yma i helpu myfyrwyr newydd i setlo mewn a theimlo bod ganddynt gefnogaeth, gan gynnig cyngor ynghylch lles, cyllid, dysgu ac unrhyw heriau personol y gallent eu hwynebu. Rydym ni yma i sicrhau bod pob myfyriwr yn gwybod nad oes rhaid iddo lywio bywyd yn y coleg ar ben ei hun.\u201d<\/p>\n

Mae gennym hefyd ein t\u00eem Uchelgeisiau CG<\/a>, sy'n helpu myfyrwyr i ddarganfod eu potensial, gosod nodau ystyrlon a chymryd y camau nesaf tuag at ddyfodol llwyddiannus.<\/p>\n

Dywedodd Abigail Collins, Rheolwr Ymgysylltu \u00e2 Chyflogwyr a Dilyniant: \"Beth bynnag sydd ar y gweill ar \u00f4l Coleg Gwent, mae Uchelgeisiau CG yma i'ch helpu i archwilio eich opsiynau a dod o hyd i'r llwybr cywir i chi. P'un a yw'n ymwneud \u00e2'r brifysgol, prentisiaeth, y byd gwaith, cychwyn busnes, neu os nad chi\u2019n yn si\u0175r beth sy'n dod nesaf, gallwn helpu chi i gynllunio, dod mewn cysylltiad \u00e2 chyflogwyr, ennill profiad a datblygu'r sgiliau a'r hyder ar gyfer eich dyfodol.\u201d<\/em><\/p>\n

Os ydych chi wedi gadael yr ysgol, yn dychwelyd i addysg, yn newid gyrfa, neu\u2019n dilyn eich angerdd o\u2019r diwedd, nid oes un llwybr yn unig at lwyddiant ac nid oes dyddiad cau ar gyfer cyflawni eich nodau.<\/span>\u00a0<\/span><\/p>\n

Os ydych chi\u2019n meddwl am astudio eleni o hyd, nid yw\u2019n rhy hwyr i gyflwyno cais<\/a>. Mae llawer o gyrsiau ar gael o hyd yn Coleg Gwent felly archwiliwch eich opsiynau a chymryd y cam nesaf tuag at eich dyfodol.<\/p>\n

Beth bynnag yw\u2019ch man cychwyn, gallai eich pennod nesaf ddechrau yn Coleg Gwent.\u00a0Dewch o hyd i gyrsiau a chyflwyno cais yma.<\/a><\/span>\u00a0<\/span><\/p>\n <\/div>\n <\/div>\n <\/div>\n<\/div>\n\n\n\n

\n
\n
\n \n
\n