{"id":39257,"date":"2026-08-13T10:21:33","date_gmt":"2026-08-13T09:21:33","guid":{"rendered":"https:\/\/www.coleggwent.ac.uk\/?post_type=news&p=39257"},"modified":"2026-08-13T11:58:55","modified_gmt":"2026-08-13T10:58:55","slug":"results-day-2026","status":"publish","type":"news","link":"https:\/\/www.coleggwent.ac.uk\/cy\/news\/results-day-2026","title":{"rendered":"Coleg Gwent yn dathlu Dosbarth 2026"},"content":{"rendered":"
\n
\n
\n
\n

Mae myfyrwyr yn Coleg Gwent \u2013 un o\u2019r colegau addysg bellach mwyaf yng Nghymru<\/a> \u2013 yn casglu canlyniadau BTEC, UG a Safon Uwch ar gampysau\u2019r coleg heddiw (13 Awst).<\/p>\n

Enillodd 98.3% o fyfyrwyr yn y coleg raddau A* i E ar gyfer arholiadau Safon Uwch ac enillodd 1114 o fyfyrwyr BTEC radd basio neu uwch ar draws 11 o feysydd pwnc galwedigaethol gwahanol.<\/p>\n

Mae\u2019r canlyniadau hyn yn nodi dechrau llawer o benodau cyffrous newydd wrth i ddysgwyr symud ymlaen i\u2019r brifysgol<\/a>, cyflogaeth, ac astudiaethau pellach ledled Cymru a\u2019r tu hwnt iddi.<\/p>\n

Yn eu plith, mae Chase Campbell o Crosskeys y mae ei ganlyniadau Safon Uwch eithriadol, A*AB, wedi ennill lle i astudio Athroniaeth, Gwleidyddiaeth ac Economeg gyda Blwyddyn Sylfaen ym Mhrifysgol Rhydychen.<\/p>\n

Dywedodd Chase, aelod effeithiol o Senedd Ieuenctid Cymru dros Flaenau Gwent: \u201cMae\u2019r gefnogaeth fy mod wedi\u2019i chael gan bawb yn Coleg Gwent wedi bod yn anhygoel. Mae fy nhiwtoriaid bob amser wedi fy annog i herio fy hun ac anelu\u2019n uwch ac rwyf yn wir yn meddwl na fyddwn wedi bod yma heddiw hebddyn nhw. Rwy\u2019n gyffrous iawn am ddechrau fy mhennod nesaf ym Mhrifysgol Rhydychen.\u201d<\/p>\n

Mae Lauren Cahalane, dysgwr arall sy\u2019n dathlu ym Mharth Dysgu Torfaen, wedi rhagori yn ei harholiadau Safon Uwch mewn Seicoleg wrth wynebu sawl problem iechyd drwy gydol llawer o\u2019i thaith academaidd.<\/p>\n

Dywedodd Lauren: \"Cefais adegau pan nad oeddwn yn si\u0175r beth fyddai\u2019n digwydd erbyn diwedd y flwyddyn felly rwy\u2019n hynod o falch o fod yn dathlu\u2019r canlyniadau hyn heddiw. Mae wedi bod yn daith heriol ond rwyf wedi dysgu y gall penderfyniad a gwydnwch fynd \u00e2 chi\u2019n bellach nag yr ydych chi\u2019n meddwl. Rwyf yn wir yn edrych ymlaen at ddechrau\u2019r cyfnod nesaf yn fy addysg ym mis Medi.\"<\/p>\n

Yn ogystal \u00e2 llwyddiant yr arholiadau Safon Uwch sy\u2019n cael ei ddathlu yn Coleg Gwent, mae Sophie Drew, myfyriwr h\u0177n, wedi mynd y tu hwnt i ddisgwyliadau yn ei chwrs Lefel 3 Mynediad i Addysg Uwch yn y Dyniaethau a\u2019r Gwyddorau Cymdeithasol. Mae Sophie, sy\u2019n gweithio\u2019n rhan-amser wedi goresgyn ei diffyg hyder hiroes o ran rhifedd. Mynediad i Addysg Uwch<\/a> in Humanities and Social Sciences. Sophie, who works part time alongside her studies, has overcome her longstanding lack of confidence in numeracy.<\/p>\n

Yn y cyfamser, mae Amelia Stubbs, darpar nyrs i oedolion, wedi ennill A*A*A* yn ei Diploma Uwch Lefel 3 mewn Egwyddorion a Chyd-destunau Iechyd a Gofal Cymdeithasol. Dywedodd: \u201cRwyf mor gyffrous fy mod yn dilyn yn olion traed fy mam a\u2019m mam-gu trwy ddod yn nyrs ryw ddydd. Mae\u2019n rhywbeth fy mod bob amser wedi eisiau ei wneud felly mae ennill y canlyniadau hyn yn golygu popeth i mi.<\/p>\n

Parhaodd: \u201cMae wedi bod yn ddwy flynedd o waith caled ac rwyf mor falch fy mod wedi cyrraedd y pwynt hwn. Ni allaf aros i gymryd y cam nesaf tuag at fy ngyrfa a dechrau gwneud gwahaniaeth ym mywydau pobl.\u201d<\/p>\n

Dywedodd Nicola Gamlin, Pennaeth Coleg Gwent:<\/p>\n

\"Mae Diwrnod y Canlyniadau Lefel 3 bob amser yn un o uchafbwyntiau\u2019r flwyddyn am ei fod yn gyfle i ddathlu cyflawniadau anhygoel ein holl ddysgwyr Lefel 3. Rydym wedi gweld eu lefelau hyder yn tyfu, darganfod eu cryfderau a chymryd camau pwysig tuag at ddyfodol cyffrous trwy gefnogaeth ac anogaeth ein haelodau staff ymroddedig.<\/p>\n

\u201cAr ran pawb yn Coleg Gwent, hoffwn longyfarch pob un o\u2019n dysgwr sy\u2019n casglu eu canlyniadau Lefel 3 heddiw a dymuno pob lwyddiant iddynt ar gyfer y dyfodol.\"<\/p>\n

Gallwch gofrestru ar gyfer rhywfaint o gyrsiau Coleg Gwent o hyd i ddechrau ym mis Medi. I gael rhagor o wybodaeth, ewch i: www.coleggwent.ac.uk\/cy\/not-too-late<\/a><\/strong><\/p>\n <\/div>\n <\/div>\n <\/div>\n<\/div>\n\n\n\n

\n
\n
\n \n
\n