{"id":39204,"date":"2026-07-23T11:49:20","date_gmt":"2026-07-23T10:49:20","guid":{"rendered":"https:\/\/www.coleggwent.ac.uk\/?post_type=news&p=39204"},"modified":"2026-07-23T16:09:37","modified_gmt":"2026-07-23T15:09:37","slug":"from-mining-to-modern-learning-coleg-gwent-invites-community-to-share-its-story","status":"publish","type":"news","link":"https:\/\/www.coleggwent.ac.uk\/cy\/news\/from-mining-to-modern-learning-coleg-gwent-invites-community-to-share-its-story","title":{"rendered":"O fwyngloddio i ddysgu cyfoes: Mae Coleg Gwent yn gwahodd cymuned i rannu ei stori"},"content":{"rendered":"
\n
\n
\n
\n

O hyb hyfforddiant ar gyfer glowyr yn ystod y 1960au i gyfleuster dysgu eco-gyfeillgar modern, mae campws Crosskeys wedi parhau i esblygu i fodloni anghenion y gymuned leol.<\/p>\n

Nawr, wrth i\u2019r campws gyrraedd cyfnod adeiladu cychwynnol cyn yr ailddatblygu, mae aelodau staff Coleg Gwent yn gwahodd cyn-fyfyrwyr, aelodau staff ac aelodau o\u2019r gymuned leol i rannu eu hatgofion, eu straeon a\u2019u lluniau fel rhan o brosiect treftadaeth arbennig i ddathlu hanes y safle.<\/p>\n

Gallai cyfraniadau ffurfio rhan o gollage neu furlun coffa ar gyfer y coleg ar y campws a ailddatblygwyd gan helpu i gadw straeon a phrofiadau cenedlaethau o ddysgwyr yn bell i\u2019r dyfodol.<\/p>\n

\u201cWrth i ni ddechrau pennod newydd gyffrous ar gyfer y campws, rydym yn dymuno sicrhau y gall cenedlaethau\u2019r dyfodol ddathlu a chysylltu \u00e2\u2019i hanes cyfoethog ac amrywiol\u201d,<\/em> meddai Ryan Chard, Pennaeth Gwasanaethau i Ddysgwyr ar gampws Crosskeys.<\/p>\n

\u201cByddem wrth ein boddau\u2019n clywed gan ddysgwyr ac aelodau staff o bob degawd \u2013 gan gynnwys y rhai o\u2019r blynyddoedd mwyngloddio cynnar \u2013 i helpu i gipio\u2019r daith liwgar o\u2019r dechrau yn y 1960au hyd heddiw.\u201d<\/em><\/p>\n

Former students and staff can share their memories, stories and photographs via the college\u2019s Facebook page, email to news@coleggwent.ac.uk or by post:<\/p>\n

Coleg Gwent
\nCampws Crosskeys
\nHeol Risca
\nCrosskeys
\nCaerffili
\nNP11 7ZA<\/span><\/p>\n

Myfyriodd cyn-fyfyriwr, Paul Edwards, a astudiodd ar gyrsiau Safon Uwch mewn Cemeg, Bioleg a Ffiseg yn ystod y 1980au ac sydd bellach yn llawfeddyg ymgynghorol ym Mwrdd Iechyd Aneurin Bevan, ei atgofion o\u2019r coleg.<\/p>\n

\"Er i mi brofi trafferthion o ran fy lefelau hyder ar yr adeg honno, rhoddodd y tiwtoriaid yn Coleg Gwent y gefnogaeth a\u2019r anogaeth yr oedd ei hangen arnaf i lwyddo.\"<\/em><\/p>\n

\u201cHeb y profiad hwnnw, nid wyf yn credu y byddwn wedi ennill y canlyniadau yr oedd eu hangen arnaf i fynd ymlaen i astudio biocemeg a ffarmacoleg. Mae bob amser wedi bod yn gyfleuster neilltuol i ddysgwyr ifanc ar draws de-ddwyrain Cymru a bydd yr ailddatblygiad yn sicrhau bod cenedlaethau\u2019r dyfodol yn parhau i elwa o\u2019r un cyfleoedd a chefnogaeth o safon uchel.\u201d \u00a0<\/em><\/p>\n

Ers agor yn y 1960au, mae campws Crosskeys wedi esblygu o gampws mwyngloddio a champws technegol i hyb addysg bellach bywiog. Heddiw, mae\u2019n cynnig ystod eang o gyrsiau gan gynnwys Safon Uwch, cymwysterau galwedigaethol a phrentisiaethau ar draws pynciau megis y celfyddydau perfformio, arlwyo, harddwch a gweithgynhyrchu.<\/p>\n

Mae\u2019r campws yn cael ailddatblygiad aml-gyfnod i greu amgylchedd dysgu modern, deinamig a chynaliadwy sydd wedi\u2019i ddylunio i ysbrydoli cenedlaethau\u2019r dyfodol a pharhau i wasanaethu anghenion y gymuned leol. Mae\u2019r prosiect hwn wedi cael cyllid a chefnogaeth gan Raglen Cymunedau Dysgu Cynaliadwy Llywodraeth Cymru.<\/p>\n

Bydd y campws a ailddatblygwyd yn darparu lleoliad cyfoes a chyfleusterau o\u2019r radd flaenaf gan roi\u2019r sgiliau a\u2019r wybodaeth i\u2019r myfyrwyr gyflawni eu potensial llawn a llwyddo yn eu gyrfaoedd yn y dyfodol. Yn ogystal \u00e2 bod yn ynni effeithlon ac yn gynaliadwy, bydd yr ailddatblygiad hefyd yn cynnwys gweithdai peirianneg a cherbydau modur newydd a champfa hynod o fodern.<\/p>\n <\/div>\n <\/div>\n <\/div>\n<\/div>\n\n\n\n

\n
\n
\n \n
\n