{"id":39021,"date":"2026-07-06T15:02:40","date_gmt":"2026-07-06T14:02:40","guid":{"rendered":"https:\/\/www.coleggwent.ac.uk\/?post_type=news&p=39021"},"modified":"2026-07-06T15:02:40","modified_gmt":"2026-07-06T14:02:40","slug":"major-investment-in-future-learning-begins-at-crosskeys-campus","status":"publish","type":"news","link":"https:\/\/www.coleggwent.ac.uk\/cy\/news\/major-investment-in-future-learning-begins-at-crosskeys-campus","title":{"rendered":"Buddsoddiad mawr yn nyfodol dysgu yn dechrau ar gampws Crosskeys"},"content":{"rendered":"
\n
\n
\n
\n

Mae\u2019r gwaith wedi dechrau\u2019n swyddogol ar ailddatblygu campws Crosskeys, gan gofnodi dechrau pennod newydd gyffrous ar gyfer addysg a sgiliau yn y gymuned leol. Mae\u2019r prosiect hwn wedi cael cyllid a chefnogaeth gan Raglen Cymunedau Dysgu Cynaliadwy Llywodraeth Cymru.<\/p>\n

Yn dilyn cwblhau cyfnod cychwynnol y gwaith dymchwel, bydd y campws \u2013 a agorodd yn y 1960au fel hyb hyfforddiant ar gyfer y diwydiant glo \u2013 bellach yn cael ei drawsnewid yn amgylchedd dysgu cynaliadwy cyfoes sydd wedi\u2019i ddylunio i gefnogi cenedlaethau\u2019r dyfodol o ddysgwyr.<\/p>\n

Caiff y gwaith ailddatblygu ei gyflwyno mewn sawl cyfnod. Bydd y cyfnod cyntaf yn cynnwys creu Canolfan Ynni newydd, ardaloedd dysgu ar gyfer busnes a TG ac ardaloedd penodedig ar gyfer arholiadau, astudio\u2019n annibynnol a defnydd aelodau staff.<\/p>\n

Dywedodd Nicola Gamlin, Pennaeth Coleg Gwent<\/strong> \u201cMae\u2019r gwaith ailddatblygu hwn yn llawer mwy nag adeiladu yn unig \u2013 mae\u2019n ymwneud \u00e2 chreu cyfleoedd i ddysgwyr presennol a dysgwyr y dyfodol ar draws ein cymunedau.<\/p>\n

\u201cRydym yn fach o\u2019r r\u00f4l y mae campws Crosskeys wedi\u2019i chwarae ar draws y cenedlaethau a bydd y cyfleusterau newydd hyn yn sicrhau ei fod yn parhau i ysbrydoli a chefnogi myfyrwyr am lawer o flynyddoedd i ddod.<\/p>\n

\u201cTrwy fuddsoddi mewn ardaloedd cyfoes, cynaliadwy, rydym yn helpu dysgwyr i ennill y sgiliau, yr hyder a\u2019r profiadau y mae eu hangen arnynt i lwyddo yn eu gyrfaoedd yn y dyfodol.\u201d<\/p><\/blockquote>\n

Mae\u2019r ail gyfnod o waith wedi\u2019i amserlennu i ddechrau yn ystod y gwanwyn y flwyddyn nesaf a fydd yn cyflwyno gweithdai peirianneg a cherbydau modur newydd ynghyd \u00e2 champfa o\u2019r radd flaenaf a chyfleusterau dysgu cynaliadwy ychwanegol. Disgwylir i\u2019r gwaith ailddatblygu llawn gael ei gwblhau erbyn yr hydref 2027.<\/p>\n

Ategodd Ian Jones, Cyfarwyddwr yn Willmott Dixon, <\/strong>\u201cRydym wrth ein boddau\u2019n cofnodi\u2019r garreg filltir bwysig hon ar gyfer Coleg Gwent a\u2019r gymuned ehangach ar gampws Crosskeys. Mae\u2019r prosiect hwn yn ymwneud \u00e2 mwy nag adeiladu \u2013 mae\u2019n ymwneud \u00e2 chreu cyfleoedd a dyfodol cynaliadwy. Gan weithio mewn partneriaeth agos \u00e2\u2019r t\u00eem yn Coleg Gwent, rydym yn falch o helpu i gyflwyno campws a fydd yn gwasanaethu dysgwyr heddiw a chenedlaethau\u2019r dyfodol.\u201d<\/p><\/blockquote>\n

Mae rhagor o wybodaeth am ein gwaith buddsoddi ar gael yma.<\/a><\/p>\n <\/div>\n <\/div>\n <\/div>\n<\/div>\n\n\n\n

\n
\n
\n \n
\n