YMCA Dyfarniad mewn Hyfforddiant Cylchol Lefel 2

Yn gryno

Wedi ei ddylunio ar gyfer hyfforddwyr ffitrwydd cymwys, bydd y cwrs hwn yn rhoi'r wybodaeth, dealltwriaeth a sgiliau ychwanegol sydd eu hangen arnoch i gynllunio a chyfarwyddo sesiynau hyfforddi cylchol grwp.

Mae'r cwrs hwn ar gyfer...

...unrhyw un sydd â chymhwyster hyfforddwr ffitrwydd gymwys sydd eisiau ymgymryd â hyfforddiant cylchol grwp.

Cynnwys y cwrs

Mae'r cwrs yn mynd i'r afael ag ystod o sgiliau a gwybodaeth sy'n benodol i hyfforddiant cylchol:

Gwybodaeth a dealltwriaeth:

• Dulliau casglu gwybodaeth am y cyfranogwr
• Egwyddorion gwirio cyfranogwyr cyn gwneud ymarfer corff gan gynnwys yr holiadur parodrwydd i wneud ymarfer corff (PAR-Q)
• Sut i ddefnyddio gwybodaeth cyfranogwyr i helpu gynllunio sesiynau hyfforddi cylchol grwp diogel ac effeithiol
• Sut i ddefnyddio cerddoriaeth er mwyn gwella sesiynau hyfforddi cylchol grwp
• Hanfodion triniaethau tylino ch gyfer sesiynau hyfforddi cylchol grwp

• Arwain sesiynau hyfforddi cylchol grwp
• Gwerthuso eich perfformiad eich hun

Byddwch yn cael eich asesu drwy asesiad ymarferol a phortffolio theori o dystiolaeth, ac wedi ichi gwblhau'r cwrs yn llwyddiannus, gallwch symud ymlaen at gymhwyster Hyfforddi Personol Lefel 3, Seiclo Grwp Lefel 2, Ymarfer Corff i Gerddoriaeth Lefel 2, Ymarfer Corff a gweithgareddau Corfforol i Blant Lefel 2 neu swydd yn y diwydiant ffitrwydd.

Gofynion Mynediad

I ymgymryd â'r cwrs, bydd angen i chi fod wedi llwyddo yn y pynciau gorfodol canlynol:

• Anatomi a ffisioleg, gan gynnwys y galon a'r system gylchredol, y system anadlu, strwythur a gweithrediad y sgerbwd, y      system gyhyrysgerbydol, sefydlogrwydd osgo a chraidd, y systemau egni a nerfol a'u perthynas ag ymarfer corff
• Sut i gynnal iechyd, diogelwch a lles mewn amryw o gylcheddau ffitrwydd, gan gynnwys diogelu plant ac oedolion bregus
• Sut i raglennu ymarfer corff effeithiol a diogel  ar gyfer ystod o gleientiaid, buddion iechyd a gweithgaredd corfforol a      phwysigrwydd bwyta'n iach.
• Sut i gyfathrebu gyda chleientiaid yn effeithiol  ac annog cleientiaid i lynu ar raglen ymarfer corff

Gwybodaeth Ychwanegol

Mae'r cwrs hwn yn cael ei gynnal dros ddeuddydd (ar y penwythnos) ar gampws Brynbuga, ac mae cyfranogiad ymarferol ac asesiadau llwyddiannus yn orfodol.