Sgiliau Gwnïo i Ddechreuwyr a Rhai sy'n Gwella - Bod yn Wenyn Gwnïo Cymreig

Yn gryno

Ydych chi wedi cael eich ysbrydoli gan y ffasiwn ddiweddaraf mewn gwnïo gartref ond ddim yn siwr ble i ddechrau? Dyma'r cwrs gwnïo perffaith i ddechreuwyr neu ddysgwyr sydd â rhywfaint o wybodaeth sylfaenol o greu dillad i ddatblygu eu sgiliau ymhellach.

Dysgwch sut i wneud eich dillad eich hun, sut i ddarllen patrwm masnachol, dewis y defnydd cywir a pherffeithio'r technegau adeiladu hynny.

Mae'r cwrs hwn ar gyfer...

... bob lefel, o ddechreuwyr i rai sy'n gwella

... unrhyw un sydd am ddechrau neu wella eu gallu gwnïo

... unrhyw un sydd eisiau i'w hyder dyfu drwy ddysgu technegau gwych ar gyfer gorffeniad proffesiynol.

Cynnwys y cwrs

Yn ystod y cwrs, byddwch yn ymdrin â sawl agwedd ar baratoi, y patrwm masnachol, creu dillad ac offer a chyfarpar angenrheidiol.

Dyma rai o'r meysydd y byddwn yn dod ar eu traws:

· Adnabod eich peiriant gwnïo

· Sut i ddefnyddio'r defnydd a'r cynllun 'cywir' wrth baratoi i dorri

· Meistroli'r technegau – sipiau, coleri, llewys, pocedi a llawer mwy

· Sut i gwblhau prosiect 'hwnnw' a'i wneud i ffitio!

Gallwn ymdrin ag unrhyw sgil sydd ei hangen i gwblhau dilledyn. Mae'r rhestr yn ddiddiwedd, ond gam wrth gam byddwch yn llunio eich dilledyn ac yn ei addasu i ffitio yn ôl yr angen!

Mae'r cwrs wedi'i strwythuro o amgylch prosiect gwnïo cyflawn wrth ddysgu'r technegau cywir i gyflawni gorffeniad proffesiynol. Mewn amgylchedd cyfeillgar, cewch adborth gan y tiwtor a chyfoedion yn rheolaidd.

Gofynion Mynediad

Nid oes gofynion mynediad ffurfiol ar gyfer y cwrs hwn.

Gwybodaeth Ychwanegol

Bydd angen i chi brynu 1 patrwm masnachol ar gyfer dilledyn syml a digon o ddefnydd i'w gwblhau. Gellir trafod dewisiadau cywir yn ystod cam cychwynnol y cwrs.

Y tu hwnt i'r cwrs hwn, mae llwybr dilyniant i chi gofrestru ar y cwrs sgiliau Gwnïo Uwch gyda'r nos.