City & Guilds Trin Gwallt Lefel 3

Yn gryno

Mae'r cwrs hwn yn canolbwyntio ar ddatblygu’r egwyddorion sylfaenol a’r sgiliau ymarferol uwch sydd eu hangen yn y diwydiant trin gwallt.

Dyma'r cwrs i chi os...

...rydych wedi cwblhau'r cymhwyster lefel 2
...ydych chi’n teimlo’n angerddol am wallt a harddwch
...ydych chi’n weithgar ac yn gyfeillgar

Beth fyddaf yn ei wneud?

Bydd y sgiliau cyflogadwyedd a ddatblygwyd ar y cwrs yn rhoi’r sgiliau i chi ddod yn entrepreneur.

Byddwch yn cwmpasu unedau fel

• Ymgynghori a chleientiaid
• Cywiro lliw a thechnegau lliw uwch
• Torri uwch a chreadigol
• Cynllunio a chyflawni technegau hyrwyddo
• Gwisgo gwallt hir yn greadigol
• Gwallt priodasol
• Torri gwallt dynion
• Iechyd a Diogelwch
• Sgiliau Cyflogadwyedd

Bydd y cwrs hwn yn adeiladu ar eich sgiliau trin gwallt canolradd ac yn eich helpu i ddatblygu mwy o dechnegau creadigol. I wneud hyn, byddwch yn cael y cyfle i gymryd rhan mewn amrywiaeth o weithgareddau megis:

• Cystadlaethau trin gwallt - Cystadleuaeth Sgiliau Cymru a Sgiliau’r Byd
• Cyfweliadau diwydiant
• Beirniadu mewn cystadlaethau trin gwallt mewnol ar gyfer dysgwyr Lefel 1 a 2
• Mentora hyfforddeion iau
• Rhedeg colofnau trin gwallt a chyfrannu at gynhyrchu incwm yr adran
• Adeiladu sylfaen cleientiaid personol
• Siaradwyr gwadd o ddiwydiant

Byddwch yn cael eich asesu drwy asesiadau ymarferol, aseiniadau, prosiectau a phrofion amlddewis ar-lein sy'n cwmpasu’r wybodaeth sylfaenol. Ar ôl cwblhau, byddwch yn cyflawni:

• Lefel 3 Trin Gwallt
• Cymwysterau ategol priodol i ehangu eich set sgiliau a diwallu anghenion y diwydiant
• Gweithgareddau Sgiliau
• Mathemateg a Saesneg
• Sgiliau Cyflogadwyedd

Beth a ddisgwylir ohonof i?

I gael eich derbyn ar y cwrs, byddwch angen y Diploma Lefel 2 mewn Trin Gwallt.

Bydd angen i chi fod yn hunan-gymhellol, yn weithgar, bod â phersonoliaeth gyfeillgar a lefel uchel o gyflwyniad personol. Bydd disgwyl i chi fynychu lleoliad gwaith yn ystod y flwyddyn academaidd.

Mae pob darpariaeth yn digwydd ar y campws a bydd un noson yr wythnos pan fyddwch chi yn y  coleg tan yn hwyr. Mae presenoldeb a phrydlondeb ar gyfer pob sesiwn yn un o ofynion pwysig y cwrs hwn.

Beth sy'n digwydd nesaf?

Cyflogaeth mewn salon, llongau teithio, fel cynrychiolwyr technegol neu yn y cyfryngau. Mae yna hefyd gyfleoedd dilyniant i raglenni addysg uwch a gradd sylfaen.

Gwybodaeth Ychwanegol

Mae cod gwisg ac ymddangosiad yn agwedd bwysig iawn ar y cwrs hwn ac rydym yn gofyn i chi gadw at y canlynol:

• Mae’n rhaid gwisgo tiwnig gyda throwsus du ac esgidiau du synhwyrol yn y salonau
• Rhaid i wallt gael ei glymu yn daclus yn ôl o'r wyneb a rhaid gwisgo colur er mwyn creu delwedd broffesiynol
• Dim tyllau corff gweladwy
• Caniateir gwisgo modrwy briodas yn unig yn y salon.

Bydd disgwyl i chi i brynu a phecyn trin gwallt ychwanegol fel amod o’ch lle ar y cwrs. Y gost am hyn yw tua £87 - £127.

I gydfynd â disgwyliadau diwydiant, bydd gofyn i chi wisgo gwisg salon Coleg Gwent. Bydd y coleg yn talu am gost un wisg lawn bob blwyddyn. Gellir prynu setiau ychwanegol am tua £45 (i’w gadarnhau); bydd staff coleg yn gallu eich cyfeirio at y darparwr priodol os/pan fydd angen.

Gallai’r holl gostau newid.