BTEC Diploma Cyntaf mewn Technoleg Gwybodaeth a Chreadigol Lefel 2

Yn gryno

Bydd gennych gyfle i ennill gwybodaeth eang, ynghyd â deall a datblygu sgiliau yn y sector technoleg gwybodaeth a rhai agweddau ar y sector diwydiannau creadigol.

Dyma'r cwrs i chi os...

... ydych eisiau dilyn gyrfa mewn TG

... ydych eisiau datblygu ystod o sgiliau a thechnegau, sgiliau personol a phriodoleddau a fydd yn hanfodol i lwyddiant yn eich bywyd gwaith

... oes gennych ddiddordeb ysol mewn cyfrifiadura a thechnoleg gwybodaeth

Beth fyddaf yn ei wneud?

Mae’r cwrs yn cynnwys nifer o unedau, yn cynnwys:

• Gweithio yn y diwydiant TG
• Systemau cyfrifiadurol
• Datblygu gwefannau
• Datblygu gemau cyfrifiadurol

Caiff y cwrs ei asesu trwy gyfrwng aseiniadau ymarferol ac ysgrifenedig, a byddwch yn ennill:

• Lefel 2 Technoleg Gwybodaeth a Chreadigol
• Cymwysterau ategol priodol ar gyfer ehangu eich set sgiliau a bodloni anghenion y diwydiant
• Gweithgareddau Sgiliau
• Mathemateg a Saesneg

Beth a ddisgwylir ohonof i?

I gofrestru, byddwch angen o leiaf 4 TGAU gradd D neu uwch, yn cynnwys naill ai Mathemateg/Rhifedd neu Saesneg/Cymraeg Iaith Gyntaf; neu gymhwyster Diploma Lefel 1 priodol mewn maes galwedigaethol perthnasol, yn cynnwys naill ai TGAU Mathemateg/Rhifedd neu Saesneg/Cymraeg Iaith Gyntaf.

Rhaid ymrwymo’n llwyr i fynychu’r cwrs. Mae parchu eraill, brwdfrydedd ynglyn â’r pwnc a hunangymhelliant yn nodweddion hanfodol a ddisgwyliwn gan bob un o’n dysgwyr. Byddwch yn cael eich asesu’n barhaus a disgwylir ichi barhau â’ch astudiaethau a’ch gwaith cwrs yn ystod eich amser eich hun.

Beth sy'n digwydd nesaf?

Swydd yn y sector TG neu astudiaeth bellach fel Diploma Lefel 3 neu Ddiploma Estynedig mewn TG.

Gwybodaeth Ychwanegol

Mae’r holl gostau’n cael eu hadolygu a gallant newid.