BTEC Rhaglen Beirianneg Uwch – Mecanyddol Lefel 3

Yn gryno

Bydd y Rhaglen Beirianneg Uwch lawn amser hon yn darparu hyfforddiant, profiad gwaith go iawn a chyfle i symud ymlaen at brentisiaeth wedi’i noddi’n llwyr.

Dyma'r cwrs i chi os...

... Ydych eisiau dilyn gyrfa mewn Peirianneg Fecanyddol
... Ydych eisiau symud ymlaen at brentisiaeth
... Hoffech gael cymysgedd o elfennau damcaniaethol ac ymarferol yn eich astudiaeth

Beth fyddaf yn ei wneud?

Bydd y cwrs hwn yn cael ei gyflwyno’n llawn amser dros gyfnod o 36 wythnos am 30 awr yr wythnos ar gampws y coleg. Ceir rhwng 5 wythnos a 12 wythnos o leoliad profiad gwaith. Byddwch yn ymweld â nifer o’r prif gwmnïau gweithgynhyrchu yng Nghymru.

Dyma gwrs ymarferol, cysylltiedig â gwaith, lle y byddwch yn dysgu trwy gwblhau prosiectau ac aseiniadau a fydd yn seiliedig ar sefyllfaoedd gweithle realistig. Byddwch yn astudio unedau fel:

• Iechyd a diogelwch
• Cyfathrebu
• Egwyddorion mecanyddol a’u defnydd
• Mathemateg
• Prosesau gorffen/eilaidd
• Technegau mesur ac archwilio
• Drafftio gyda chymorth cyfrifiadur
• Nodweddion deunyddiau peirianegol a’u defnydd
• Arlunio peirianegol ar gyfer technegwyr

Byddwch yn cael eich asesu trwy gyfrwng aseiniadau ymarferol ac ysgrifenedig, cyflwyniadau, portffolios, arddangosiadau ac arsylwi. Ar ôl cwblhau’r cwrs yn llwyddiannus, byddwch yn ennill:

• Lefel 3 mewn Peirianneg (Mecanyddol)
• Lefel 2 PEO (Sefydliad Cyflogwr Proffesiynol) – 6 uned a ddewisir i ategu gofynion penodol y diwydiant
• Gweithgareddau Sgiliau
• Mathemateg a Saesneg
• Cymwysterau perthnasol eraill i wella eich set sgiliau

Beth a ddisgwylir ohonof i?

I gofrestru ar y cwrs hwn, bydd angen ichi basio prawf dawn Prentisiaeth (ymarfer sgrinio hollbwysig (Skillbuilder/Vark)) a meddu ar:

• 5 TGAU Gradd C neu uwch, yn cynnwys:
• Saesneg neu Gymraeg Iaith Gyntaf,
• Gradd B mewn Mathemateg
• Tair Gradd C arall, os oes modd mewn Gwyddoniaeth neu bynciau cysylltiedig

Mae’n ofynnol ymrwymo’n llwyr i fynychu’r cwrs. Bydd angen ichi allu gweithio’n annibynnol ac fel rhan o dîm. Hefyd, mae dymuniad cryf i weithio yn y diwydiant peirianneg yn ofynnol, gan y bydd y cwrs hwn yn arwain at brentisiaeth. Disgwylir i bawb gadw at ethos y coleg a bod yn barod i gymryd rhan mewn o leiaf 5 wythnos o leoliad gwaith.

Beth sy'n digwydd nesaf?

Prentisiaeth mewn Peirianneg Fecanyddol.

Gwybodaeth Ychwanegol

Byddwch yn cael cist offer a fydd yn werth oddeutu £200.000 ar ôl ichi gwblhau’r cwrs yn llwyddiannus.

Bydd angen ichi ddarparu eich defnyddiau ysgrifennu eich hun e.e. ffolderi, dalennau rhannu, pennau ysgrifennu, penseli, penseli lliw, cwmpas, pren mesur a chyfrifiannell wyddonol.