BTEC Diploma Sylfaen Cenedlaethol mewn Cyfrifiadura Lefel 3

Yn gryno

Mae’r cwrs hwn yn anelu at gyfuno sgiliau technegol gyda sgiliau busnes, sgiliau rhyngbersonol a sgiliau rheoli prosiectau. Dyma sgiliau y mae ar bob sector sy’n defnyddio technoleg mewn amgylchedd busnes modern eu hangen, nid y sector cyfrifiadura yn unig.

Dyma'r cwrs i chi os...

... ydych eisiau cyfuno gwybodaeth gyfrifiadurol a sgiliau ymarferol

... ydych yn frwd ynghylch gofynion technolegol cyfnewidiol y diwydiant

... ydych eisiau cyfuno gwybodaeth dechnegol a gwybodaeth fusnes

Beth fyddaf yn ei wneud?

Bwriad y rhaglen yw datblygu eich sgiliau technegol mewn diogelwch systemau, datblygu meddalwedd a dylunio gemau cyfrifiadurol.

Yn y flwyddyn gyntaf byddwch yn astudio unedau craidd, ac yna’n mynd yn eich blaen yn yr ail flwyddyn i astudio Diploma Estynedig. Byddwch yn astudio amrywiaeth eang o bynciau cyfrifiadura, a allai gynnwys:

Blwyddyn 1:

• Egwyddorion cyfrifiadureg (arholiad)
• Elfennau sylfaenol systemau cyfrifiadurol (arholiad)
• Systemau TG ac amgryptio
• Cymwysiadau busnes y cyfryngau cymdeithasol
• Datblygu gwefannau
• Graffigau ac animeiddio digidol

Blwyddyn 2:

• Cynllunio a rheoli prosiectau cyfrifiadura (asesiad)
• Prosiect dylunio a datblygu meddalwedd (asesiad)
• Effaith cyfrifiadura
• Datblygu gemau cyfrifiadurol
• Rhwydweithio cyfrifiadurol
• Datblygu cronfeydd data perthynol
• Dadansoddi a dylunio systemau

Byddwch yn cael eich asesu trwy gyfrwng gwaith cwrs ac arholidau yn y flwyddyn gyntaf a'r ail, a byddwch yn ennill:

Lefel 3 mewn Cyfrifiadura

• Gweithgareddau Sgiliau

• Mathemateg a Saesneg
• Cymwysterau perthnasol eraill i wella eich set sgiliau

Beth a ddisgwylir ohonof i?

I gofrestru, byddwch angen o leiaf 5 TGAU gradd C neu uwch, yn cynnwys Mathemateg/Rhifedd a Saesneg/Cymraeg Iaith Gyntaf, neu gymhwyster Diploma Lefel 2 priodol gradd Teilyngdod gyda TGAU Mathemateg/Rhifedd a Saesneg/Cymraeg Iaith Gyntaf gradd C neu uwch.

Rhaid ymrwymo’n llwyr i fynychu’r cwrs. Mae parchu eraill, brwdfrydedd ynglyn â’r pwnc a hunangymhelliant yn nodweddion hanfodol a ddisgwyliwn gan bob un o’n dysgwyr. Byddwch yn cael eich asesu’n barhaus a disgwylir ichi barhau â’ch astudiaethau a’ch gwaith cwrs yn ystod eich amser eich hun.

Beth sy'n digwydd nesaf?

• HND mewn Cyfrifiadura neu Radd Sylfaen mewn Diogelwch TG yng Ngholeg Gwent neu astudiaeth ar lefel prifysgol mewn pynciau fel cyfrifiadura, e-fasnach, creu gemau, systemau rheoli gwybodaeth neu reoli cronfeydd data.
• Swydd fel is-ddatblygwr neu dechnegydd cyfrifiadurol ac ati.

• Prentisiaeth mewn cwmni TG neu Gyfrifiadura addas.

Cyrsiau prifysgol mewn cyfrifiadureg, dylunio gemau cyfrifiadurol a gwaith fforensig ar gyfrifiaduron