DMI eDdysgu - Diploma Proffesiynol mewn Marchnata Digidol

Yn gryno

DMI yw'r safon fyd-eang profedig ar gyfer ardystiad marchnata digidol gyda 100,000+ o aelodau a thros 20,000+ o weithwyr proffesiynol ardystiedig.

Mae'r cwrs marchnata digidol cynhwysfawr hwn yn addysgu'r sgiliau marchnata digidol allweddol sydd eu hangen yn y gweithle modern. Dysgwch am Google Ads, marchnata ar y cyfryngau cymdeithasol ac optimeiddio peiriannau chwilio (SEO), Google Analytics, marchnata ar ddyfeisiau symudol a mwy, a gallwch ddod yn arbenigwr marchnata digidol ardystiedig gyda DMI.

Mae’r cwrs hwn ar gael fel rhan o Gyfrif Dysgu Personol (PLA). Mae PLA yn fenter gan Lywodraeth Cymru sy’n cynnig cyfle i bobl gael mynediad at gyrsiau rhan-amser, rhad ac am ddim sydd â ffyrdd hyblyg a chyfleus o ddysgu sy’n addas i’w ffordd o fyw presennol.

Mae'r cwrs hwn ar gyfer...

...unrhyw un dros 19 oed, sy'n byw yng Nghymru, mewn cyflogaeth ac yn ennill llai na £29,534 y flwyddyn.

...unrhyw un sydd eisiau dechrau gyrfa mewn marchnata digidol.

...pobl sydd eisiau newid gyrfa.

...entrepreneuriaid a pherchnogion busnesau bach.

...pobl mewn gyrfaoedd marchnata traddodiadol sydd eisiau diweddaru eu set sgiliau.

...unrhyw un sy'n gobeithio gweithredu strategaeth ddigidol ddiweddar o fewn eu cwmni.

Cynnwys y cwrs

Yn y Cyflwyniad i Farchnata Digidol, byddwch yn astudio:

• Marchnata ar y Cyfryngau Cymdeithasol
• Chwilio Taledig (cost fesul clic) gan ddefnyddio Google Ads
• Marchnata trwy E-bost
• Dadansoddeg gyda Google Analytics
• Marchnata Cynnwys
• Optimeiddio Peiriannau Chwilio (SEO)
• Hysbysebu ar Arddangosfeydd ac mewn Fideos
• Optimeiddio Gwefannau
• Strategaeth Farchnata Ddigidol

Gofynion Mynediad

Nid oes gofynion mynediad ffurfiol, ond byddwch angen diddordeb brwd yn y maes.

Gwybodaeth Ychwanegol

Darperir y cwrs hwn drwy eDdysgu. Mae hyn yn golygu y dylech astudio mewn modd hunan-drefnedig wrth eich pwysau eich hun, gan ddefnyddio dyfais gyda chysylltiad i'r we.

Mae'r cwrs yn cynnwys arholiadau sy'n cael eu goruchwylio ar-lein, ac mae angen dyfais sydd wedi cysylltu â'r we gyda meicroffon a gwe-gamera arnoch.