City & Guilds Diploma mewn Barbro Lefel 3

Yn gryno

Mae'r Dystysgrif Lefel 3 mewn Barbro yn gymhwyster sydd wedi'i ddylunio'n benodol i ddatblygu eich sgiliau ymarferol i lefel uwch drwy amrywiaeth o wahanol dechnegau.  Mae'n ddelfrydol ar gyfer y rhai sy'n anelu at fod yn uwch steilydd, yn torri gwallt dynion mewn modd creadigol a'r gwaith arbenigol cymhleth o dorri gwallt wyneb.

Dyma'r cwrs i chi os...

...oes gennych gymhwyster Trin Gwallt neu gymhwyster Barbro eisoes ac eisiau datblygu i fod yn Uwch Steilydd

...oes gennych brofiad o dorri gwallt dynion

...ydych yn driniwr gwallt profiadol sydd yn dymuno ennill cymwysterau pellach i ehangu'ch gyrfa

...ydych yn dymuno newid gyrfa.

Beth fyddaf yn ei wneud?

Pwrpas y cymhwyster yma yw datblygu eich sgiliau ymarferol i lefel uwch o allu galwedigaethol er mwyn cynnig eich gwasanaethau salon eich hun yn ogystal â chefnogi eraill.

Mae rhediad y cwrs dros gyfnod o 15 awr yr wythnos, ac mae'n ymdrin â thechnegau sylfaenol gan gynnwys unedau gorfodol ac unedau opsiynol.

Mae'r unedau gorfodol yn cynnwys:

• Gwaith a arsylwyd/Aseswyd gyda chleientiaid
• Monitro gweithdrefnau i reoli gweithrediadau gwaith yn ddiogel
• Darparu gwasanaethau ymgynghori trin gwallt
• Torri gwallt yn greadigol gan ddefnyddio cyfuniad o dechnegau.
• Arholiadau amlddewis ar-lein

Mae'r unedau yn cynnwys:

• Lliwio gwallt gan ddefnyddio cyfuniad o dechnegau.
• Cyfrannu at effeithiolrwydd cyllidol y busnes.
• Cyfrannu at gynllunio a gweithredu gweithgareddau hyrwyddo
• Ymgynghoriad i nodi anghenion cleientiaid
• Datblygu technegau torri/clipiwr i gyflawni'r edrychiad a ddymunir
• Defnyddio cynhyrchion ac offer
• Iechyd a Diogelwch yn y salon
• Darparu gwasanaeth ôl-ofal addas

Yn sail i'r cymhwyster hwn, byddwch yn datblygu gwybodaeth gadarn o fonitro iechyd a diogelwch wrth weithio yn y diwydiant barbwr. Byddwch hefyd yn datblygu gwybodaeth a dealltwriaeth am y sgiliau ymarferol a ddysgir yn ystod y cymhwyster yma.

Beth a ddisgwylir ohonof i?

Ar gyfer y cwrs hwn, bydd angen i chi fod yn hunan-ysgogol, yn weithgar, parchu eraill a dangos brwdfrydedd tuag at y pwnc.

Beth sy'n digwydd nesaf?

Ar ôl cwblhau'r cwrs, gallwch symud ymlaen i'r cymhwyster Trin Gwallt Merched NVQ Lefel 3, neu arwain eich salon eich hun, neu arbenigo mewn gwahanol fathau o wallt neu driniaethau trin gwallt.

Efallai yr hoffech ystyried y cymwysterau eraill hyn hefyd:

• Tystysgrifau a Diplomâu Lefel 3 mewn Trin Gwallt - diweddaru a dysgu sgiliau a thechnegau newydd
• Tystysgrif / Diploma Proffesiynol Uwch mewn Rheoli Salon Technegol - y sgiliau i arwain eich salon gwallt eich hun
• Gwobr mewn Atal Dermatitis Cyswllt - y technegau i amddiffyn cwsmeriaid rhag haint.

Gwybodaeth Ychwanegol

Fel amod o’ch lle ar y cwrs hwn, bydd disgwyl i chi brynu'r offer priodol oddi wrth ein cyflenwr cymeradwy. Y gost am hyn yw tua £103 yn amodol ar adolygiad/cynnydd pris chwyddiant.

I adlewyrchu disgwyliadau'r diwydiant, bydd gofyn i chi wisgo gwisg salon Coleg Gwent y gellir ei harchebu oddi wrth ein cyflenwr cymeradwy. Ar gyfer 2023/2024 bydd y coleg yn ariannu’r gost o un wisg salon lawn. Gellir cael manylion ar sut i archebu eich gwisg salon am ddim, a setiau ychwanegol, yn ogystal ag opsiynau talu’r cyflenwyr, oddi wrth eich Pennaeth Ysgol, Darlithydd neu Dechnegydd.  Y pris ar gyfer 2023/2024 yw £45.

Gall fod costau ychwanegol yn ystod y flwyddyn ar gyfer ymweliadau addysgol.

Mae'r holl gostau yn cael eu hadolygu a gallent newid.