City & Guilds Diploma mewn Cynnal a Chadw a Thrwsio Cerbydau Modur Lefel Mynediad 3

Yn gryno

Bwriad y cwrs hwn yw cynnig golwg gyffredinol ar y dechnoleg a’r technegau trwsio sy’n gysylltiedig â cherbydau ysgafn. Hefyd, bydd yn eich paratoi ar gyfer astudiaeth bellach yn y diwydiant modurol.

Dyma'r cwrs i chi os...

... Ydych eisiau dealltwriaeth sylfaenol o’r diwydiant modurol
... Ydych eisiau symud yn eich blaen at gyrsiau lefel uwch
... Ydych yn awyddus i weithio mewn garej neu ddelwriaeth

Beth fyddaf yn ei wneud?

Mae rhai o’r unedau craidd ac ychwanegol y byddwch yn eu hastudio’n cynnwys:

• Iro
• Systemau oeri
• Peipiau mwg
• Systemau tanio
• Systemau trydanol
• Systemau brecio
• Systemau trawsyrru
• Systemau llywio
• Systemau crogiant
• Olwynion a theiars
• Glanhau

Caiff y cwrs hwn ei asesu trwy gyfrwng amrywiaeth o weithgareddau, fel arholiadau ysgrifenedig ac ymarferol. Ar ôl cwblhau’r cwrs, byddwch yn ennill:

• Lefel Mynediad 3 mewn Cynnal a Chadw a Thrwsio Cerbydau
• Cymwysterau ategol priodol i ehangu eich set sgiliau a diwallu anghenion y diwydiant
• Gweithgareddau Sgiliau
• Mathemateg a Saesneg

Beth a ddisgwylir ohonof i?

Nid oes yn rhaid meddu ar unrhyw gymwysterau ffurfiol, ond rhaid ichi fod â diddordeb gwirioneddol mewn technoleg cerbydau. Hefyd, byddai dealltwriaeth sylfaenol o sgiliau peirianneg fecanyddol a thrydanol o fantais.

Mae’n ofynnol ymrwymo’n llwyr i fynychu’r cwrs, a hefyd mae’r gallu i weithio’n annibynnol ac fel rhan o dîm yn ofynnol. Disgwylir ichi gadw at ethos y coleg a bod yn barod i wella eich lefel mewn pynciau academaidd.

Beth sy'n digwydd nesaf?

Diploma Lefel 1 mewn Cynnal a Chadw Cerbydau Ysgafn neu Brentisiaeth.