Datblygu Sgiliau Marchogaeth - Paratoi at Gamau 2 Cymdeithas Geffylau Prydain (BHS)

Yn gryno

Y cwrs hwn yw’r dilyniant delfrydol wedi i chi gwblhau eich Cam 1 BHS. Dros gyfnod o 10 wythnos, byddwch yn mynd i’r afael â’r holl elfennau ymarferol a theori sydd eu hangen i baratoi at y cymhwyster Cam 2 Cymdeithas Geffylau Prydain (BHS).

Mae'r cwrs hwn ar gyfer...

…Y sawl sy’n edrych i ddatblygu drwy lwybrau BHS

…Perchnogion ceffylau brwdfrydig sydd eisiau datblygu eu sgiliau

…Unrhyw un sydd eisiau sefyll arholiad Cam 2 Cymdeithas Geffylau Prydain (BHS)

…Y sawl sy’n ystyried neu eisiau dechrau gyrfa yn y diwydiant ceffylau.

Cynnwys y cwrs

Byddwch yn datblygu amrywiaeth o sgiliau ymarferol yn cynnwys:  

• Ystum marchogaeth sylfaenol
• Rymudiadau cynradd wrth gerdded, trotian a rhygyngu
• Marchogaeth heb wartholion
• Gweithio ar gyfrwy ysgafn
• Gwaith polyn  

Wrth i'r cwrs ddatblygu byddwch yn datblygu sgiliau pellach ar y gwastad a dros ffensiau.

Byddwch hefyd yn datblygu gwybodaeth eang am ofal ceffylau yn cynnwys:

• Sgiliau trin
• Iechyd ceffylau
• Bwydo
• Rheolaeth stabl sylfaenol
• Cymorth cyntaf ar gyfer ceffylau
• Rhaglenni gwaith a gwella ffitrwydd
• Arddangos ceffylau
• Ffitio cyfrwyau
• Teithio gyda cheffyl yn ddiogel

Bydd disgwyl i chi gymryd rhan mewn sesiynau marchogaeth ymarferol a gofal, ac wedi i chi ei gwblhau cewch dystysgrif Coleg Gwent.

Er mwyn ehangu eich gwybodaeth ymhellach, gallech symud ymlaen at Ddatblygiad Sgiliau Marchogaeth, Paratoi ar gyfer Cam 3 BHS.

Gofynion Mynediad

Er nad oes gofynion mynediad ffurfiol, dylech fod â sgiliau marchogaeth digonol, yn cynnwys y gallu i gerdded, trotian a rhygyngu mewn cydbwysedd â'r ceffyl. Mae’n rhaid i ymgeiswyr allu marchogaeth y tu allan mewn man agored, neidio dros ffensys sengl a chwrs bychan o 75cm.

Dylai dysgwyr fod yn 16 oed o leiaf a bydd disgwyl iddynt fod yn bresennol mewn asesiad marchogaeth cyn cychwyn y cwrs.

Gwybodaeth Ychwanegol

Mae’r cwrs hwn yn cael ei redeg gan un o’n hyfforddwyr BHS cymwys ac fe’i cynhelir gyda’r nos, 5pm – 8pm am 10 wythnos.

Byddwch angen het farchogaeth addas sy'n cyrraedd safonau diogelwch presennol, esgidiau marchogaeth, chlôs pen-glin, menig a charn farchogaeth.

Noder: mae'r cwrs hwn wedi ei ddylunio i baratoi dysgwyr ar gyfer cymwysterau Cam 2 BHS, fodd bynnag nid yw'r cwrs yn cynnwys arholiad.