Gweithdy Serameg

Yn gryno

Ydych chi wedi cael awydd erioed i roi cynnig ar serameg a bod yn greadigol gyda chlai?

Dewch i gael cyflwyniad ar serameg sylfaenol gyda thechnegau adeiladu gyda llaw a gweithio gyda chlai. Mae'r cwrs byr hwn yn rhoi’r cyfle i chi roi cynnig ar greu eich darnau unigryw eich hun.

Mae'r cwrs hwn ar gyfer...

... os ydych chi’n chwilio am gwrs ymarferol sy’n darparu cyflwyniad sylfaenol a difyr i serameg greadigol.

Cynnwys y cwrs

Byddwch yn dysgu am:

• Wahanol briodweddau clai
• Dulliau gweithio gyda chlai a thechnegau addurno arwynebau
• Gorffennu darnau llosg

Erbyn diwedd y cwrs, byddwch yn gallu:

• Archwilio gwead, lliw a gwydredd ar arwyneb y clai yn greadigol, ac i mewn i arwyneb y clai
• Gwneud darn o waith clai gan ddefnyddio dalenni o glai gweadog
• Cynhyrchu darn gorffenedig o waith clai wedi'i wasgu a gwaith clai torchog wedi'i addurno â lliw seramig
• Cyfuno'r broses dorchi â sylfaen o fowld wedi'i wasgu a wneir drwy wthio clai i fowld plastr sydd wedi'i wneud ymlaen llaw.

Mae presenoldeb a phrydlondeb yn hanfodol i fanteisio'n llawn ar y cwrs hwn. Mae diddordeb mewn serameg yn hanfodol. Bydd y rhan fwyaf o'r sesiynau yn ymarferol a bydd disgwyl i chi gymryd rhan ym mhob rhan o'r sesiwn.

Gofynion Mynediad

Nid oes gofynion mynediad ffurfiol, mae diddordeb yn y pwnc yn ddigon. Nid oes angen unrhyw wybodaeth flaenorol am grochenwaith, ac mae'r cwrs hwn yn ddelfrydol i ddechreuwyr crochenwaith neu'r rheiny sydd â dealltwriaeth sylfaenol o brosesau serameg.

Dylech fod yn gallu dilyn cyfarwyddiadau syml yn ysgrifenedig ac ar lafar i ddeall arddangosiadau, taflenni a gwybodaeth iechyd a diogelwch.

Gwybodaeth Ychwanegol

Mae cost y rhan fwyaf o ddeunyddiau serameg wedi'i chynnwys yn ffi'r cwrs. Bydd unrhyw gostau ychwanegol yn cael eu hegluro gan diwtor eich cwrs. Efallai yr hoffech ddod â llyfr ysgrifennu a phensil i ysgrifennu nodiadau a braslunio syniadau.