Sgiliau Llythrennedd (Cyn-TGAU Saesneg)

Yn gryno

Mae hwn yn gwrs a fydd yn eich helpu i ddeall y sgiliau hanfodol sydd eu hangen i ennill cymhwyster TGAU Saesneg Iaith, CBAC.

Bydd y cwrs yn eich paratoi ar gyfer TGAU Saesneg Iaith, os dymunwch ei gwblhau yn y dyfodol.

Bydd y cwrs hwn yn ymdrin â sgiliau darllen, ysgrifennu a llafaredd er mwyn sicrhau eich bod yn deall sut y bydd pob sgil yn cael ei haddysgu yn y cwrs TGAU, yn ogystal â rhoi profiad a gwybodaeth i chi yn y meysydd hyn.

Mae'r cwrs hwn ar gyfer...

... y rhai sy'n ystyried astudio TGAU Saesneg Iaith yn y dyfodol.

… unrhyw un sydd eisiau deall beth fydd TGAU Saesneg Iaith yn ei olygu os ydyn nhw am ei astudio.

… pawb sydd yn awyddus i ddatblygu eu sgiliau craidd llythrennedd i'w defnyddio mewn unrhyw swydd neu faes astudio.

Cynnwys y cwrs

Yn ystod y cwrs hwn byddwch yn gwella eich sgiliau yn y meysydd canlynol: darllen, ysgrifennu, siarad a gwrando.

Bydd y cwrs yn cynnwys y cydrannau canlynol:

• Datblygu eich Darllen: bydd yr uned hon yn cynnwys nifer o adnoddau darllen a fydd yn cael eu defnyddio i ddatblygu’r sgiliau allweddol sydd eu hangen mewn bywyd bob dydd megis deall, crynhoi, dod i gasgliad, dadansoddi a chymharu.
• Datblygu eich Ysgrifennu: bydd yr uned hon yn eich cefnogi i ddeall y gwahanol fathau o destunau y bydd angen i chi eu hysgrifennu yn y dyfodol. Byddwn yn archwilio ysgrifennu ar gyfer y gynulleidfa a’r pwrpas cywir, yn ogystal ag adeiladu sgiliau llythrennedd trwy sillafu, atalnodi a gramadeg.
• Datblygu eich sgiliau Siarad a Gwrando: bydd yr uned hon yn eich helpu i wella eich llafaredd trwy amrywiaeth o weithgareddau. Byddwch yn cymryd rhan mewn trafodaethau grwp, ac yn deall sut i adeiladu a datblygu ar eich dadleuon, wrth synhwyro sut i ymateb i eraill. Byddwch hefyd yn cael eich cefnogi i roi cyflwyniadau effeithiol a strwythuredig.

Gofynion Mynediad

Er mwyn eich ystyried ar gyfer y cwrs hwn mae angen i chi fod â diddordeb brwd mewn Iaith Saesneg, gydag awydd i gwblhau'r cymhwyster yn y dyfodol.

Gwybodaeth Ychwanegol

Ar ôl cwblhau'r cwrs hwn, gallwch wneud cais i astudio TGAU Saesneg Iaith yn llawn amser yn y coleg.

Fodd bynnag, prif ddeilliannau a phrif bwrpas y cwrs hwn fydd datblygu sgiliau allweddol TGAU Saesneg Iaith, a’ch dealltwriaeth o sut i’w defnyddio yn eich bywyd bob dydd.