BTEC Diploma Lefel 1 mewn Astudiaethau Galwedigaethol - Celf a'r Cyfryngau Creadigol Lefel 1

Yn gryno

Bydd y cwrs hwn yn cynnig llu o gyfleoedd datblygu i chi, gan gynnwys dysgu pellach yn y coleg ar un o'n cyrsiau lefel nesaf, prentisiaeth neu gyflogaeth.

Dyma'r cwrs i chi os...

... Ydych yn greadigol
.... Ydych yn ansicr ynglyn â'r hyn yr ydych eisiau ei wneud
... Ydych eisiau roi cynnig ar nifer o feysydd gwahanol i benderfynu ble mae eich angerdd

Beth fyddaf yn ei wneud?

Mae ein cyrsiau astudiaethau galwedigaethol wedi eu cynllunio i'ch cyflwyno i faes astudio sy'n eich diddori chi fwyaf ac yn eich helpu i ddatblygu sgiliau dysgu ehangach.

Byddwch yn cael y cyfle i roi cynnig ar fwy nag un maes galwedigaethol a chael blas ar fywyd coleg. Byddwch yn datblygu sgiliau ymarferol, trosglwyddadwy ac yn cyflawni tasgau sy'n canolbwyntio ar arddangos yr hyn y gallwch ei wneud a'r hyn rydych wedi ei ddysgu.

Yr un unedau craidd sydd ar draws ein holl gyrsiau astudiaethau galwedigaethol, a fydd yn eich helpu i ddatblygu sgiliau o fewn eich maes galwedigaethol chi. Os ydych eisiau newid cwrs, gallwch drosglwyddo'r unedau rydych wedi eu hastudio ar y cwrs hwn i'r cwrs nesaf, pe bai angen.

Mae'r unedau craidd y byddwch yn eu dilyn yn cynnwys:

• Bod yn drefnus
• Creu cynllun datblygu
• Gweithio gydag eraill
• Ymchwilio i bwnc

Gall unedau Celf a'r Cyfryngau Creadigol gynnwys:

• Creu Delwedd
• Dylunio Cynnyrch
• Creu Nawsfwrdd
• Creu Printiau
• Creu Bwrdd Stori
• Dylunio Cyflwyniad Rhyngweithiol
• Creu Animeiddiad
• Saethu Ffilm Fer
• Brandio Cynnyrch
• Creu Gwefan

Byddwch yn cael eich asesu drwy aseiniadau, tasgau ac asesiadau ymarferol. Pan fyddwch yn ei gwblhau, byddwch yn ennill:

• Diploma BTEC Lefel 1 mewn Astudiaethau Galwedigaethol
• Gweithgareddau Sgiliau
• Mathemateg a Saesneg (os nad oes gennych chi Radd C neu uwch ar lefel TGAU)
• Cymwysterau perthnasol eraill i gyfoethogi eich set sgiliau

Beth a ddisgwylir ohonof i?

Nid oes gofynion mynediad ffurfiol. Fodd bynnag, mae diddordeb mewn dysgu am feysydd galwedigaethol gwahanol yn hanfodol.

Bydd angen i chi fod yn frwdfrydig, gweithio'n galed ac yn barod i roi cynnig ar bethau newydd o fewn y meysydd galwedigaethol. Bydd disgwyl i chi ymarfer eich sgiliau a thechnegau mewn amgylchedd gwaith realistig o fewn y coleg, sy'n eich galluogi i feithrin eich sgiliau cyflogadwyedd. Mae presenoldeb a phrydlondeb ym mhob sesiwn yn orfodol ar gyfer y cwrs hwn.

Beth sy'n digwydd nesaf?

Gallwch barhau gyda'ch astudiaethau ar Lefel 2 mewn maes galwedigaethol o'ch dewis chi, mynd ymlaen i brentisiaeth neu gael swydd yn eich maes dewisol.

Gwybodaeth Ychwanegol

Bydd disgwyl i chi brynu rhai deunyddiau i gefnogi eich dysgu, megis llyfr braslunio. Gall costau ychwanegol godi yn ystod y flwyddyn ar gyfer ymweliadau addysgol.