BTEC Diploma Sylfaen Genedlaethol mewn Cyfrifiadura Lefel 3

Yn gryno

Nod y cwrs hwn yw cyfuno sgiliau technegol gyda’r sgiliau busnes, rhyngbersonol a rheoli prosiect sydd eu hangen, nid yn unig yn y sector cyfrifiadura, ond ym mhob sector sy'n defnyddio technoleg mewn amgylchedd busnes cyfoes.

Dyma'r cwrs i chi os...

... Mae gennych ddiddordeb mewn dilyn gyrfa mewn cyfrifiadura

... Rydych eisiau astudio cyfrifiadura ar lefel Addysg Uwch

... Rydych yn frwdfrydig ynghylch gofynion technolegol newidiol y diwydiant

... Rydych eisiau cyfuno gwybodaeth dechnegol a gwybodaeth fusnes.

Beth fyddaf yn ei wneud?

Byddwch yn ennill cyfuniad o wybodaeth gyfrifiadurol a sgiliau ymarferol i fodloni gofynion technolegol newidiol y diwydiant. Mae'r rhaglen wedi'i wella i ddatblygu eich sgiliau technegol o safbwynt cymorth systemau, datblygu meddalwedd a rhwydweithio. Byddwch yn astudio unedau craidd yn eich blwyddyn gyntaf, ac yna'n symud ymlaen at lwybr cymorth systemau, rhwydweithio neu ddatblygu meddalwedd yn eich ail flwyddyn.

Byddwch yn astudio ystod eang o bynciau, allai gynnwys:

Blwyddyn 1:

• Egwyddorion Cyfrifiadureg (arholiad)
• Hanfodion Systemau Cyfrifiadur (arholiad)
• Diogelwch ac Amgryptiad Systemau TG
• Cymwysiadau Busnes Cyfryngau Cymdeithasol
• Datblygiad Gwefan
• Graffeg Ddigidol ac Animeiddio.

Blwyddyn 2:

• Cynllunio a Rheoli Prosiectau Cyfrifiadura (asesiad allanol)
• Prosiect Dylunio a Datblygu Meddalwedd (asesiad allanol)
• Effaith Cyfrifiadura
• Rhwydweithio Cyfrifiadurol
• Datblygu Cronfa Ddata Berthynol
• Dadansoddi a Dylunio Systemau

Byddwch yn cael eich asesu drwy waith cwrs ac arholiadau yn y flwyddyn gyntaf a’r ail flwyddyn, a byddwch yn cyflawni:

• Lefel 3 mewn Cyfrifiadura
• Cymwysterau ategol priodol er mwyn ehangu eich set sgiliau a bodloni anghenion y diwydiant
• Gweithgareddau Sgiliau
• Mathemateg a Saesneg

Beth a ddisgwylir ohonof i?

I fod yn gymwys ar gyfer y cwrs, byddwch angen o leiaf 5 TGAU gradd C neu uwch, yn cynnwys naill ai Mathemateg/Rhifedd a Saesneg/Cymraeg Iaith Gymraf, neu gymhwyster Diploma Lefel 2 priodol gradd Teilyngdod gyda TGAU Mathemateg/Rhifedd a Saesneg/Cymraeg Iaith Gyntaf gradd C neu uwch.

Rhaid ymrwymo’n llwyr i fynychu’r cwrs. Mae parchu eraill, brwdfrydedd ynglyn â’r pwnc a hunangymhelliant yn nodweddion hanfodol a ddisgwyliwn gan bob un o’n dysgwyr. Byddwch yn cael eich asesu’n barhaus a disgwylir ichi barhau â’ch astudiaethau a’ch gwaith cwrs yn ystod eich amser eich hun.

Beth sy'n digwydd nesaf?

• HND mewn Cyfrifiadura neu Radd Sylfaen mewn Diogelwch TG yn Coleg Gwent, neu ymgymryd ag astudiaethau gwahanol ar lefel brifysgol mewn pynciau fel e-fasnach, chwarae gemau, rheoli cronfeydd data a rheoli systemau gwybodaeth.
• Cyflogaeth fel is-ddatblygwr neu dechnegwr cyfrifiadur ayyb
• Prentisiaeth gyda chwmni TG neu gwmni Cyfrifiadura priodol