AAT Dyfarniad Mynediad mewn Sgiliau Busnes Lefel 1

Yn gryno

Mae Dyfarniad Mynediad yr AAT mewn Sgiliau Busnes yn cynnig y cyfle i fyfyrwyr ar Lefel 1 ddatblygu sgiliau ymarferol allweddol a ddefnyddir ym mhob busnes fel llwybr at gyflogaeth. Ar ôl cwblhau'r cymhwyster, bydd gan fyfyrwyr sylfaen gadarn y gallent ei defnyddio i fynd ymlaen i astudiaeth bellach gyda'r AAT naill ai mewn cyfrifyddu neu gadw cyfrifon pe baent yn dymuno gwneud hynny.

Mae'r cwrs hwn ar gyfer...

Mae cymwysterau Mynediad (Lefel 1) yn bwynt mynediad i fyfyrwyr y mae angen cymorth ychwanegol arnynt i ddatblygu eu sgiliau cyllid neu fusnes. Mae'r cymwysterau hyn wedi'u dylunio i roi gwybodaeth gyflwyniadol a hyder i fyfyrwyr i astudio cymwysterau lefel uwch yr AAT a gwneud cynnydd yn eu bywydau a gyrfaoedd.

Cynnwys y cwrs

Bydd y cwrs yn ymdrin â'r unedau a'r cynnwys canlynol:

Paratoi ar gyfer Gwaith

1. Deall sut mae sefydliadau yn gweithredu 10%

2. Datblygu sgiliau ar gyfer y gweithle 10%

3. Sut i ymgeisio am swydd 10%

Defnyddio Rhifau mewn Busnes

1. Gweithio gyda rhifau 5%

2. Perfformio cyfrifiadau busnes syml 10%

3. Gweithio gyda degolion, ffracsiynau, canrannau, cyfrannau a chymarebau 15%

Gwerthiannau a Phryniannau mewn Busnes

1. Deall sut mae gwerthiannau a phryniannau yn cefnogi busnesau 5%

2. Deall egwyddorion gwerthiannau a phryniannau 10%

3. Cymhwyso gweithdrefnau busnes i werthiannau a phryniannau 15% Integreiddiad 10% Cyfanswm 100%

Gofynion Mynediad

Nid oes gofynion mynediad ffurfiol yn eu lle ar gyfer y cwrs hwn. Fodd bynnag, bydd sgiliau TG, rhifedd a llythrennedd da yn bwysig i fynd ymlaen i gymwysterau lefel uwch.

Gwybodaeth Ychwanegol

Bydd angen i chi gofrestru gyda'r AAT ac mae'n bosib y bydd rhaid i chi dalu ffioedd.

Dyma gymhwyster sy'n cael ei arholi, cynhelir arholiadau ar sgrin mewn amgylchedd a reolir.