HABC Dyfarniad mewn Cymorth Cyntaf Brys yn y Gwaith Lefel 3

Yn gryno

Y cymhwyster achrededig delfrydol ar gyfer Cymhorthwyr Cyntaf, sy’n cwmpasu ystod eang o bynciau a sgiliau o asesu digwyddiad ac adnabod arwyddion a symptomau anaf a salwch i sgiliau cymorth cyntaf mewn CPR a defnyddio AED, rhoi cymorth cyntaf i anafedig sy’n tagu a delio gyda gwaedu allanol a sioc hypofolemig. Yn unol â chanllaw HSE, mae’n cymhwyso cymhorthwyr cyntaf brys yn y gweithle am 3 blynedd, ac ar ôl hynny bydd angen i chi ailsefyll y cwrs. Argymhellir hefyd eich bod yn diweddaru eich gwybodaeth yn flynyddol.  

Dyma'r cwrs i chi os...

…unrhyw un sydd eisiau bod yn gymhorthwyr cyntaf brys yn y gweithle

…hyfforddi cymhorthwyr cyntaf brys mewn sefydliadau sydd angen staff wedi’u hyfforddi i’r lefel yma fel rhan o’u hasesiad anghenion cymorth cyntaf. 

Beth fyddaf yn ei wneud?

Cwrs undydd sy’n cwmpasu’r wybodaeth a’r sgiliau canlynol:

• Rôl a chyfrifoldebau cymhorthwr cyntaf
• Gallu asesu digwyddiad
• Darparu cymorth cyntaf i anafedig anymatebol
• Beth i’w wneud os yw rhywun yn tagu
• Cynorthwyo anafedig gyda gwaedu allanol
• Gwybod sut i ddarparu cymorth cyntaf i anafedig sydd mewn sioc
• Delio gyda mân anafiadau

Asesir y cymhwyster gan ddau ddull: arsylwi ymarferol trwy gydol y cwrs ac ymatebion byr i gwestiynau gosod mewn pecyn dysgwr sy’n cwmpasu gwybodaeth ategol cymorth cyntaf.   

Ar ôl cwblhau’r cwrs, byddwch yn derbyn Gwobr HABC Lefel 3 mewn Cymorth Cyntaf Brys yn y Gwaith.

Gwybodaeth Ychwanegol

Ymhlith y cyrsiau eraill a allai fod yn ddefnyddiol i gymhorthwyr cyntaf mae Dyfarniad Lefel 3 mewn Cymorth Cyntaf yn y Gwaith a Dyfarniad Lefel 2 mewn Cymorth Cyntaf Pediatrig.