Uchelgeisiau CG
Eich cefnogi gyda'ch camau nesaf ar ôl y coleg
P’un a ydych chi’n ystyried mynd i’r brifysgol, cael swydd, ymgymryd â phrentisiaeth neu hyd yn oed ddechrau eich busnes eich hun, gall ein tîm Uchelgeisiau CG helpu.
Gall ein tîm o hyfforddwyr dilyniant gefnogi gyda cheisiadau UCAS, datganiadau personol a chyllid myfyrwyr yn ogystal â sgiliau cyflogadwyedd fel ysgrifennu CV, chwilio am swyddi a chanllawiau ar gyfer cyfweliadau i’ch paratoi ar gyfer y byd gwaith.
Mae gennym hefyd hyrwyddwr menter a all eich cefnogi ar eich taith tuag at ddod yn entrepreneur, p’un a ydych newydd ddechrau neu’n edrych i dyfu eich busnes.
Cwrdd â Thîm Uchelgeisiau CG
Dysgwch ragor am y tîm a’r hyn y gallant ei wneud i chi ar bob campws:
Hannah Cadman
Hyfforddwr Dilyniant
Gallaf eich cefnogi gyda beth bynnag fydd eich camau nesaf ar ôl y coleg. Rydw i’n trefnu sgyrsiau ac ymweliadau fel eich bod yn gallu deall Addysg Uwch, prentisiaethau a chyflogaeth yn well.
Gallwch alw heibio i fy ngweld yn y siop rhwng 10.30yb ac 11.30yb ar ddydd Mercher.
Ffaith hwyl: Roeddwn i’n gadeirydd y clwb awyrblymio pan oeddwn yn y brifysgol.
E-bost: hannah.cadman@coleggwent.ac.uk
Rhian Rees
Hyfforddwr Dilyniant
Gallaf eich helpu i benderfynu ar eich gyrfa yn y dyfodol a sut i’ch cael chi yno. O ddewis prifysgol neu gwrs i ysgrifennu CV a thechnegau cyfweliad.
Galwch heibio i’m gweld yn “pod” y llyfrgell ar fore Llun, dydd Mawrth a dydd Mercher.
Ffaith hwyl: Roeddwn i wrth fy modd yn byw a gweithio yn Efrog Newydd!
E-bost: rhian.rees@coleggwent.ac.uk
Hayley Jenkins-Davies
Hyfforddwr Dilyniant
Gallaf eich helpu gydag UCAS, sesiynau cyflogadwyedd ac arweiniad gyrfa un-i-un i’ch cefnogi gyda’ch camau nesaf ar ôl y coleg. Gallai hyn fod cyflogaeth, prentisiaethau, hyfforddiant neu astudio mewn Addysg Uwch.
Gallwch alw heibio i fy ngweld yn nhrelar Uchelgeisiau CG rhwng 11.30yb a 12.30yp ar ddydd Llun a dydd Iau.
Ffaith hwyl: Rwy’n siarad Cymraeg yn rhugl ac yn gallu siarad ychydig o Almaeneg!
Sally Parkinson-Cribb
Hyfforddwr Dilyniant
Gallaf eich cefnogi gyda’ch camau nesaf ar ôl y coleg. Gallai hyn fod ymchwilio a gwneud cais am y brifysgol, chwilio am brentisiaethau neu weithio allan ffyrdd o gael swydd eich breuddwydion.
Gallwch alw heibio i’m gweld yng nghanolfan Uchelgeisiau CG yn TLZ ar ddydd Mawrth rhwng 10yb ac 11yb neu anfon e-bost ataf i drefnu apwyntiad ym Mrynbuga.
Ffaith hwyl: Dwi’n snob coffi hunan-gyfaddef, dim coffi instant i mi!
Alan Royle
Hyfforddwr Dilyniant
Rwy’n trefnu digwyddiadau i’ch cefnogi gyda’ch camau nesaf ar ôl y coleg, gan gynnwys ffeiriau Addysg Uwch ym mis Hydref, ffeiriau swyddi ym mis Rhagfyr a ffeiriau Dilyniant ym mis Mawrth. Rwyf hefyd yn gofalu am y sesiynau ar-lein y gall unrhyw un ar draws y campysau ymuno â nhw. Mae’r rhain yn cynnwys sgyrsiau gyda phrifysgolion, cymorth cyflogadwyedd ac opsiynau ynghylch y camau nesaf.
Gallwch alw heibio i’m gweld yn nhrelar Uchelgeisiau CG yn Crosskeys ar ddydd Mercher rhwng 12.30yp ac 1.30yp neu gallwch anfon e-bost ataf.
Ffaith hwyl: Unwaith, fe wnes i sgorio yn erbyn gôl-geidwad a aeth ymlaen i chwarae yn yr hen adran gyntaf (prif gynghrair heddiw) ac i Gymru.
E-bost: alan.royle@coleggwent.ac.uk
Danielle Hubbard
Hyfforddwr Dilyniant
Gallaf eich cefnogi gyda phopeth sy’n ymwneud â chyflogadwyedd – rwy’n cynnig sesiynau 1 i 1, sesiynau grŵp a gallaf arwain dosbarthiadau ar greu CV, ymgeisio a chwilio am waith rhan amser a pharatoi ar gyfer cyfweliadau. Gallaf hefyd gynnig arweiniad a chyngor ar feddwl am eich camau nesaf.
Gallwch alw heibio i’m gweld yn nhrelar Uchelgeisiau CG yn Crosskeys ar ddydd Mawrth rhwng 12.30yp ac 1.30yp neu gallwch anfon e-bost ataf.
Ffaith hwyl: Yn 10 oed, fi oedd y person ieuengaf ym Mhrydain i nofio 10 milltir.
Zoë Binning
Hyrwyddwr Menter
Rydw i yma i helpu os ydych chi eisiau dechrau eich busnes eich hun neu dyfu’ch busnes ar yr ochr. Byddaf yn eich helpu i ddatblygu eich sgiliau entrepreneuraidd neu’n eich cynghori a’ch cefnogi i ddechrau ar eich busnes. Rwyf hefyd yn darparu cymorth ar gynllunio busnes, grantiau, marchnata, cyllid neu unrhyw beth arall a fydd yn eich helpu i fynd â’ch syniad busnes i’r lefel nesaf!
Ffaith hwyl: Rwy’n eiriolwr enfawr dros faterion amgylcheddol. Rwy’n hyfforddi busnesau priodas, digwyddiadau a lletygarwch i fod yn fwy cynaliadwy ac ecogyfeillgar.
E-bost: zoe.binning@coleggwent.ac.uk
Abigail Bassie
Rheolwr Ymgysylltu Cyflogwyr A Chynnydd
Rwy’n rheoli ac yn cefnogi Tîm Uchelgeisiau CG i wneud yn siŵr bod gennych gam nesaf ar ôl cwblhau eich astudiaethau. Byddaf yn gweithio’n agos gyda chi a chyflogwyr i greu cyfleoedd gwerthfawr gan sicrhau eich bod yn cael y gorau allan o’ch amser yn y coleg.
Ffaith hwyl: Rwy’n dod o Gernyw yn wreiddiol ond wedi byw yng Nghymru ers dros ddeng mlynedd hyd yma!
E-bost: abigail.bassie@coleggwent.ac.uk
Cyflogadwyedd, Menter ac Entrepreneuriaeth
Gall ein tîm CG Uchelgeisiau gynnig arweiniad a chyngor ar gynllunio ar gyfer gyrfa, ysgrifennu CV a thechnegau cyfweld i wella eich cyflogadwyedd. Rydym hefyd yn cynnig cymorth ar greu a datblygu syniadau busnes newydd a chynnig cysylltiadau â sefydliadau allanol i’ch helpu chi wneud y mwyaf o’ch profiad yma yn y coleg – boed hynny’n atgyfeirio cyfleoedd ariannu, profiad gwaith, interniaethau neu sgyrsiau gyda’r diwydiant.
Gallwch drefnu apwyntiadau 1:1 am brofiad mwy personol, gofyn am sesiwn grŵp, neu gallwn gwrdd â chi mewn dosbarth (yn dibynnu ar amserlen).
Ydych chi’n gweld eich hun fel y Richard Branson neu’r Arglwydd Sugar nesaf?
Mae llwyddiant busnesau bach a sefydliadau mawr yn dibynnu ar feddyliau arloesol a meddylwyr sionc. Felly fel rhan o’ch cwrs llawn amser, byddwn yn ceisio rhoi’r sgiliau a’r meddwl a fydd yn eich helpu i fod yn entrepreneur gwych!
Bydd hyn yn cynnwys:
- Dros 130 o arbenigwyr o’r diwydiant (siaradwyr gwadd) yn dod i sesiynau tiwtorial i godi ymwybyddiaeth ac ysbrydoli myfyrwyr i ddechrau eu busnes eu hunain
- Cystadlaethau entrepreneuriaeth – gan gynnwys Her Syniadau Mawr Cymru, Her y Farchnad Stoc, y Rhaglen Tafflab (i dderbyn cyllid a mentora)
- Yr Wythnos Fenter Fyd-eang yn arddangos y gorau mewn dosbarthiadau meistr menter ac entrepreneuriaeth
- Bod yn rhan o’r Prosiect Arloesi’r Cymoedd a chyfle i weithio gyda briffiau go iawn gydag ystod o fusnesau a sefydliadau
- Tair her gyfoethogi – Menter a Chyflogadwyedd, Cymuned a Dinasyddiaeth
- Cyfoethogi personol trwy CG Extra
Nod Coleg Gwent yw ceisio:
- Hwyluso uchelgais entrepreneuraidd a chefnogi busnesau myfyrwyr ar bob cam o daith eu busnes newydd
- Annog cymuned y coleg i gynnig amgylchedd mentrus a chefnogol
- Ysbrydoli myfyrwyr gyda chyfleoedd i gwrdd ag entrepreneuriaid lleol a chlywed eu hanesion
- Datblygu a meithrin gallu dysgwyr, gan eu helpu i gydnabod a manteisio ar eu nodweddion entrepreneuraidd nad ydynt efallai yn sylweddoli eu bod eisoes yn meddu arnynt
- Ysgogi ein myfyrwyr i ddilyn eu nodau entrepreneuraidd eu hunain ac i ystyried hunangyflogaeth fel rhagolwg realistig.
Darganfyddwch fwy am ein heffaith yn ein Harolwg Effaith Blynyddol 2022.
Cyngor Gyrfaol
Ansicr ynglŷn â pha yrfa fyddai’n gweddu orau i chi? Neu’n cael trafferth gwybod pa gwrs i’w ddilyn i’ch helpu i gael swydd eich breuddwydion? Gall Coleg Gwent helpu!
Gwnewch ein Cwis Buzz i sefydlu eich math o bersonoliaeth a chael argymhellion personol ar gyfer swyddi, pynciau i’w hastudio a hyd yn oed cynghorion i’ch helpu i weithio’n well.
Neu edrychwch ar ein teclyn Llwybrau Gyrfa sy’n rhoi llawer o wybodaeth ar y gwahanol swyddi sydd ar gael i chi a gwybodaeth ynglŷn â’r pynciau gorau i’w dewis i’ch helpu i gyrraedd yno.
